|
Stord kommune har avtale med Interkommunalt arkiv i Hordaland IKS (IKA Hordaland) om leige av depot for papirarkiv og drift av digitalt sikringsmagasin. Stord kommune har deponert eldre administrativt arkivmateriale frå 1837 til 2008 til IKA Hordaland. Bestanden av administrativt arkivmateriale utgjer 442 hyllemeter. I tillegg er det deponert 89 hyllemeter personregistermateriale. Arkiva 1837-1965 er ordna etter norsk allment arkivskjema, arkivavgrensa, kassasjonshandsama og listeført i tråd med arkivforskrifta. Arkiva 1965-2008 er under ordning hjå IKA Hordaland. IKA Hordaland og papirdepotet er lokalisert i Hansaparken i Kalfaret i Bergen og har besøksadresse: Kalfarveien 82. Papirdepotet oppfyller krav til spesialrom for arkiv i tråd med føresegnene i kapittel IV i forskrift om offentlege arkiv. Katalogen er tilgjengeleggjort på arkivportalen.no:
Arkivmateriale eldre enn 100 år blir kontinuerleg skanna og gjort tilgjengeleg. Materialet er publisert til digitalarkivet.no:
Sunnhordland Interkommunale Barnevern (SIB) sitt arkiv som inneheld blanding av papir og elektronisk lagrede mapper er avlevert og godkjent mottatt og lastet opp i sikringsmagasinet 7. april 2022. Dei fysiske mappene klargjerast og vert levert til Interkommunalt arkiv så snart det er mogleg å ta desse med til Bergen. |
